Turmush — Бүгүн, 17-апрель күнү Талас районунун Шумкар-Уя айыл өкмөтүнүн жаңы курулган имараты ишке берилди. Бул тууралуу айыл өкмөт башчысы Бакыт Кыдыралиев билдирди.
Анын айтымында, элге жеңилдик болушу үчүн бул жерде Калкты тейлөө борбору менен «Айыл банктын» кеңсеси да орун алды.
Шумкар-Уя айыл өкмөтүнүн Сасык-Булак айылында салынган имараттын курулушуна 50 млн сом бөлүнүп, ишти «КG Сервис» ЖЧК аткарды.
Ачылыш аземге айыл тургундары, айыл чарба министри Бакыт Төрөбаев, Жогорку кеңештин депутаттары президенттин Талас облусундагы ыйгарым укуктуу өкүлү Эрмат Джумаевдер катышты.
- Юстиция министрлигинин маалыматына караганда, «КG Сервис» жоопкерчилиги чектелген коому 2024-жылы 10-январда кайра каттоодон өткөн. Түзүүчүсү жана жетекчиси катары Джумашаева Айчүрөк Абдыкадыровна көрсөтүлгөн. Ишкана имараттарды куруу менен алектенет.
