Бөлүмдөр
Шейшемби, 23-октябрь
Талас облусуТалас району 29.01.2018 09:44

Жаш талант: 13 жаштагы К.Узакбаев шахмат боюнча ийгиликтерге жетишүүдө (фото)

Turmush -  Талас районунун Көк-Токой айылынын 13 жаштагы тургуну Куттубек Узакбаев шахмат боюнча ийгиликтерди жаратууда. Аймактык кабарчы андан кабар алды.

Өзүнүн айтымында, шахматты 4 жашынан баштап ойноп келет. Учурда Ш.Шеркулов атындагы мектепте 7-класста окуйт.

«Шахматка атам кызыктырып үйрөткөн. Атам экөөбүз жарышып ойночубуз. Кийин шахматчы Кыдыралиев Замир агайга барып машыктым. Алгачкы ийгиликтерди 9 жашымда багындыра баштадым. Талас шаарынын 71 жылдыгына арналган турнирде 1-орунду камсыздагам. Аны менен катар Талас райондук өспүрүмдөр спорт мектеби уюштурган турнирде 1-даражадагы диплом жана медаль менен сыйландым. Андан тышкары жаш өспүрүмдөр арасында шахмат боюнча 3-даражадагы дилпом алдым. Осмонаалы уулу Кушайдын жаркын элесине арналган шахмат боюнча турнирде 1-орунду ээледим. Бул ийгиликтерди жаратышыма менин ата-энем жана агайым Кыдыралиев Замир түрткү болду. Аларга терең ыраазычылыгымды билдирем. Шахматтан тышкары күрөшкө барып, ийгилик жаратууга аракетим күч», - деди ал.

Жаш шахматчы үй-бүлөдө 3 бир туугандын кичүүсү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×