Бөлүмдөр
Жекшемби, 25-февраль
Талас

Таласта алтын медаль коюлган волейбол боюнча мелдеш өттү

Turmush -  Талас районуна караштуу Өмүралиев айыл өкмөтүндө Черикчиев Кушубактын жаркын элесине арналган волейбол боюнча мелдеш өттү. Бул тууралуу аймактык кабарчыга анын уулу Залкар Черикчиев билдирди.

Анын айтымында, бул мелдеш анын үй-бүлөсү, жакындары тарабынан 6 жылдан бери өткөрүлүп келе жатат. Мелдештин байге фонду 25 миң сом. Турнирге Талас районунун айыл өкмөттөрүнөн түзүлгөн 14 команда катышты. Жыйынтыгында 1-орунга Кууганды айыл өкмөтү ээ болуп, 10 миң сом акча жана алтын медаль утту. 2-орунду Өмүралиев айыл өкмөтү ээлеп, 7 миң сом акча жана күмүш медаль алышты. 3-орунга ээ болгон Шекер айылынын командасына 4 миң сом жана коло медаль тапшырылды. Калган командаларга кызыктыруучу байгелер тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 301
Комментарии
Обсуждения закрыты
Көп окулду
Учурда окулуп жатат
×