Бөлүмдөр
Шейшемби, 28-январь
Талас облусуТалас району 17.12.2019 12:50

Өзгөчө ысым: Х.Батырбекованын ысымы араб тилинен которгондо жашыл дегенди билдирет (сүрөт)

Turmush -  Бакай-Ата районунун Үч-Эмчек айылынын 40 жаштагы тургуну Хадира Батырбекованын ысымы жашоосуна таасир берип келет. Аймактык кабарчы аны менен таанышты.

Анын айтымында, Хадира деген араб аттарынын бири.

«Хадира деген бизге жашыл дегенди билдирет. Өзүм дагы жашыл өңдүү кийимдерге тартылып, жашыл түстү жактырам. Ысым адамга таасир берет дегени чындыкка дал келет деп айта алам. Ошон үчүн ысымды маани берип койгон жакшы экен.

Мен 5 бир туугандын үчүнчүсүмүн. Улуу эжем Замира, кийин Назира, анан мен Хадира. Ата-энем улуу эжемдердин аттарына уйкаштырууну дагы эске алышкан. Айрымдар Сажира, Кадира деп алмаштырып алышат (күлүп). Хадира деп оңдоп түшүндүрүп калам. Жолдошум кичинебизден бир айылда чогуу өскөндүктөн атымды угуп жүрүп көнүп калган. Башка адамдар же бир уккандар «кандай ысым ыйгарган?» деп сурап калышат. Атымды өзгөртөйүн деп дагы ой келген эмес. Азыркылар андай эмес. Экинчи баламдын атын жолдошум Баяке деп койгон. Ал азыр 4- класста окуйт. Ал балам азыр «башкача ат койсоңор болмок» деп биз койгон ысымга макул болбогонун айтат. Өзү менен теңдүүлөр атын туура эмес угуп алып эле байке деп айтып алышат экен. «Баяке эмес, Байке деп айтышат, мен алар менен эле теңмин го» деп келет (күлүп). Бирок мааниси баатырдын атынан жана акылман бала болсун деп ыйгарганыбызды айтып калганда тынчыйт. Өзгөчө ысымдуу болгон жакшы. Адамдар көңүл буруп турушат (күлүп)», - деди ал.

Хадира айым 3 баланын апасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×